Author - Светлана Мисюкевич

Паважаныя студэнты, з графікам выдачы літаратуры на 2026/2027 навучальны год можна азнаёміцца перайшоўшы па спасылцы >>

Навуковая бібліятэка ГрДУ імя Янкі Купалы традыцыйна стала адным з цэнтраў прыцягнення аматараў беларускага слова. Ужо ў шосты раз тут прайшла Летняя школа беларускай мовы і культуры, якая сабрала ў Гродне больш за дзесяць удзельнікаў з Расійскай Федэрацыі – прадстаўнікоў Масквы, Варонежа і Санкт-Пецярбурга.

Урачысты старт праекту быў дадзены ў першы панядзелак жніўня.

Урокі мовы, літаратуры і гісторыі

За 12 дзён удзельнікі школы атрымалі магчымасць пагрузіцца ў беларускамоўнае асяроддзе па максімуму. Ранішнія заняткі былі прысвечаны тэорыі: выкладчыкі М.А. Якалцэвіч, М.У. Грынько, С.Д. Грынько дапамагалі гасцям асвоіць тонкасці беларускай мовы, С.М. Тарасава знаёміла іх з багаццем беларускай літаратуры, А.С. Горны распавёў пра беларускую нацыянальную ідэю. Як падкрэсліў дырэктар навуковай бібліятэкі ГрДУ і кіраўнік школы Мікалай Грынько, удзельнікі знаёміліся не проста з мовай, а з жывой культурай і шматвяковай гісторыяй краіны.

Асабліва натхняльным стаў прыклад аднаго з удзельнікаў, студэнта Маскоўскага дзяржаўнага ўніверсітэта імя М.Ф. Ламаносава Пятра Фядосава, які прыязджае ў Купалаўскі ўніверсітэт ужо ў чацвёрты раз. Пачынаючы з амаль нулявога ўзроўню, ён здолеў дасягнуць свабоднага валодання мовай і на завяршэнні школы даваў інтэрв’ю выключна па-беларуску.

Знаёмства з Гродна і падарожжы па краіне

Дзённая праграма была насычана экскурсіямі. Удзельнікі шмат гулялі па Гродне, наведвалі помнікі архітэктуры, прымалі ўдзел у «Дні музеяў» і адпраўляліся ў падарожжы, каб адкрыць для сябе таямніцы мінулага Беларусі. Для многіх гасцей гэта была першая сустрэча з горадам, і яна пакінула незабыўныя ўражанні.

Творчасць і сапраўдная беларуская кухня

Вечары ў школе былі прысвечаны творчым майстар-класам, дзе ўдзельнікі сваімі рукамі стваралі вырабы ў беларускім стылі. Апошні тыдзень адзначыўся яшчэ і гастранамічным знаёмствам: госці рыхтавалі і дэгуставалі традыцыйныя стравы беларускай кухні. Адметным момантам стала сустрэча з пісьменніцай Л. Кебіч, якая пагаварыла з удзельнікамі аб сучаснай беларускай літаратуры.

Закрыццё са слязамі на вачах

Завяршэнне школы прайшло ў па-хатняму ўтульнай атмасферы. Дванаццаць удзельнікаў, якія за гэтыя дні сталі адной сям’ёй, атрымалі сертыфікаты і сувеніры на памяць. У гэты момант перапляліся шчырыя ўсмешкі радасці і слёзы лёгкага суму, бо развітвацца заўсёды няпроста.

Чакаем сустрэчы з удзельнікамі Летняй школы беларускай мовы і культуры ў наступным годзе. 

Больш фота і інфармацыі пра Школу ў нашых сацыяльных сетках.

Супрацоўнікі навуковай бібліятэкі Гродзенскага дзяржаўнага ўніверсітэта імя Янкі Купалы прынялі актыўны ўдзел у X Абласным фестывалі кнігі «Гарадзенскі ЛітФэст», які праходзіў у межах XV Рэспубліканскага Фестывалю нацыянальных культур.

На пляцоўцы бібліятэкі была разгорнута маштабнаявыставакнігбеларускіхпісьменнікаў-юбіляраў2026 года, якая прыцягнула ўвагу чытачоў усіх узростаў. Наведвальнікі мелі магчымасць праверыць свае веды пра беларускую літаратуру, разгадваючы інтэрактыўныя заданні: крыжаванкі, філворды, рэбусы і іншыя галаваломкі. Для маленькіх гасцей фестывалю супрацоўнікі бібліятэкі арганізавалі творчы майстар-клас па вырабе  «літаратурных» веераў, які выклікаў захапленне ў дзяцей і іх бацькоў.

Кульмінацыяй праграмы сталі інтэрактыўная віктарына «Веру – не веру!» і сумеснае чытанне баек класіка беларускай літаратуры Кандрата Крапівы. Разнастайная і займальная праграма стала сапраўдным святам кнігі, што падарыла гасцям фестывалю масу станоўчых эмоцый і натхнення.

Акрамя гэтага, усе госці інтэрактыўнай пляцоўкі мелі магчымасць пазнаёміцца з Купалаўскім універсітэтам, атрымаць актуальную інфармацыю для абітурыентаў, а пераможцы конкурсаў яшчэ і сімвалічныя падарункі ад шматтысячнай Купалаўскай сям’і.

Сачыце за падзеямі на нашых старонках у сацыяльных сетках.

З пералікам высакарэйтынгавых выданняў можна азнаёміцца на платформе АНРИ (Ассоциации научных редакторов и издателей) па спасылцы https://rassep.ru/o-proekte/listing/

Навуковая бібліятэка Купалаўскага ўніверсітэта далучылася да рэспубліканскай акцыі «Кожная пятніца – роднае, сваё».

Кожную пятніцу на старонках бібліятэкі ў сацыяльных сетках Instagram і Facebook мы будзем публікаваць відэа, у якіх раскажам пра цікавыя факты з жыцця і творчасці беларускіх пісьменнікаў, а таксама пра асаблівасці беларускай мовы.

Далучайцеся да нас у  #ДзеньРоднагаСвойго 

https://www.instagram.com/grsu_library/

https://www.facebook.com/s.lib.yksug

Паважаныя Купалаўцы!

Запрашаем прыняць удзел у выставе дэкаратыўна-прыкладной творчасці студэнтаў і супрацоўнікаў ГрДУ імя Янкі Купалы.

Выставы прысвечана Году жанчыны і Міжнароднаму жаночаму дню і адбудзецца ў чытальнай зале навуковай бібліятэкі ў галоўным корпусе ўніверсітэта (вул. Ажэшкі, 22, каб. 116) з 5 па 20 сакавіка 2026 г.

У перыяд да 28 лютага просім усіх, хто жадае прадэманстраваць свае творчыя працы, прынесці ў бібліятэку ўласныя вырабы: вул. Ажэшкі, 22, каб. 116, адказная асоба – Галаюх Жанна Мікалаеўна, намеснік дырэктара бібліятэкі, тэл.: 73-19-24.

Творчыя вырабы тэматыкай не абмежаваны.

Чытачам навуковай бібліятэкі прадастаўлены доступ да прававой платформы «Бизнес-Инфо» https://bii.by/.

Доступ ажыццяўляецца з камп’ютараў, размешчаных у аддзеле бібліятэчных інфармацыйных тэхналогій (вул. Ажэшкі, 22, каб. 116а) і ў памяшканнях філіялаў бібліятэкі.

26 лістапада 2025 года супрацоўнік навуковай бібліятэкі Міхаіл Пажарыцкі прыняў удзел у навуковай канферэнцыі «Рэспубліканскія Купалаўскія чытанні» і выступіў з дакладам «А. М. Пяткевіч як паслядоўнік бібліяграфічных ідэй і падыходаў Я. Ф. Карскага і Я. І. Хлябцэвіча». Аўтар падрабязна расказаў пра заслугі А. М. Пяткевіча ў галіне рэкамендацыйнай бібліяграфіі, прааналізаваў яго бібліяграфічныя агляды, персанальныя бібліяграфіі, бібліяграфічныя рэцэнзіі, рэкамендацыйныя бібліяграфічныя спісы. Неабходна адзначыць той факт, што ўпершыню была закранута тэма бібліяграфічнай дзейнасці прафесара Купалаўскага ўніверсітэта Аляксея Міхайлавіча Пяткевіча.

З тэкстам дакладу Міхаіла Пажарыцкага можна азнаёміцца, перайшоўшы па спасылцы:
https://elib.grsu.by/doc/opened/888473_377435pdf.pdf

05 снежня 2025 года ў 11.40 навуковая бібліятэка праводзіць чарговыя заняткі адукацыйнага семінара «Навуковыя камунікацыі ў прафесійнай дзейнасці: электронныя сэрвісы і бібліятэчныя інфармацыйныя тэхналогіі. Модуль 8. Навукаметрыя як інструмент для прыняцця ўпраўленчых рашэнняў. Агляд інфармацыйна-аналітычных сістэм кіравання навукай: вопыт Рэспублікі Беларусь і Расійскай Федэрацыі».

Спікерам выступіць Аркадзій Уладзіміравіч Халюкоў, кандыдат філалагічных навук, генеральны дырэктар кампаніі «Пульс науки», г. Масква.

У праграме семінара будзе прадстаўлена дэталёвая навукаметрычная экспертыза 2-3 часопісаў Гродзенскага дзяржаўнага ўніверсітэта імя Янкі Купалы. Таксама будзе падрыхтаваны падрабязны навуковы SWOT-аналіз універсітэта, дадзены некаторыя рэкамендацыі па кластэрам. Акрамя таго, будзе прааналізавана прадстаўленасць Гродзенскага дзяржаўнага ўніверсітэта імя Янкі Купалы ў навуковых рэйтынгах – сусветных і рэгіянальных: THE, QS, ARWU, MosIUR. Будуць прадэманстраваны дадзеныя па бенчмаркетынгу па вядучых ВНУ Рэспублікі Беларусь. Размова таксама пойдзе аб інфармацыйна-аналітычным інтэрнэт-сэрвісе / CRIS-сістэме «ID SCIENCE», запатрабаваным ва ўніверсітэтах Рэспублікі Беларусь.

Семінар пройдзе ў гібрыдным фармаце (вочны з анлайн-трансляцыяй). Сустрэча са спікерам адбудзецца ў 11.40 у чытальнай зале навуковай бібліятэкі галоўнага корпуса ўніверсітэта (вул. Ажэшкі, 22, каб. 116). Да трансляцыі сустрэчы можна будзе далучыцца пры дапамозе платформы Teams.

Рэгістрацыя ўдзельнікаў ажыццяўляецца з 27.11.2025 па 03.12.2025 г. (да 12.00) па спасылцы

https://docs.google.com/forms/d/e/1FAIpQLSfJlEpTz1ZCy7AMlTcti-q4fao3JJlly6WZtFPAsJh9cubOHw/viewform?usp=publish-editor

Спасылка на падключэнне да Teams будзе высланая ўсім зарэгістраваным удзельнікам НАПЯРЭДАДНІ семінара.

Па ўсіх пытаннях звяртацца да загадчыка аддзела бібліятэчных інфармацыйных тэхналогій Святланы Мечыславаўны Місюкевіч (тэл.: 39-65-73, e-mail: misiukevich_sm@grsu.by).