Навіны

1 красавіка стартуе прыём заявак на ўдзел у конкурсе эсэ “Вялікая Айчынная вайна ў лёсе маёй сям’і”.

Удзельнікамі конкурсу могуць быць студэнты, курсанты, магістранты ўніверсітэта, навучэнцы каледжаў.

Мэта конкурсу – паглыбленне разумення значэння Вялікай Айчыннай вайны ў гісторыі і культуры Беларусі сярод студэнцкай моладзі, захаванне памяці аб героях вайны праз асабістыя гісторыі і сведчанні.

Каб стаць удзельнікам конкурсу вам неабходна:

• напісаць эсэ на беларускай або рускай мове (падрабязную інфармацыю пра жанр эсэ вы знойдзеце ў памятцы);
• да 30 красавіка даслаць сваю творчую працу і заяўку на ўдзел у конкурсе ў аргкамітэт па адрасе: 230023, г. Гродна, вул. Ажэшкі, 22, каб. 116; тэл.: (80152)731924, e-mail: library@grsu.by.

Форму заяўкі на ўдзел у конкурсе неабходна спампаваць, раздрукаваць і абавязкова падпісаць.

Падрабязная інфармацыя змешчана ў Палажэнні аб правядзенні конкурсу.

Падвядзенне вынікаў конкурсу і ўзнагароджванне пераможцаў адбудзецца 8 мая.

З 26.03.2025 па 31.05.2025 для чытачоў бібліятэкі ГрДу імя Янкі Купалы адкрыты тэставы доступ на карыстанне кнігамі ў ЭБС «Айбукс» https://ibooks.ru.

Уваход на сайт ЭБС з камп’ютараў універсітэта ажыццяўляецца без лагіна і пароля. Для аддаленай працы з рэсурсам неабходна звярнуцца ў бібліятэку вашага факультэта або аддзел бібліятэчных інфармацыйных тэхналогій (вул. Ажэшкі, 22, каб. 116 а, e-mail: misiukevich_sm@grsu.by) за атрыманнем лагіна і пароля. Гэта таксама можна зрабіць з дапамогай рэгістрацыі на сайце ЭБС у лакальнай сетцы ўніверсітэта або шляхам звароту ў тэхпадтрымку сайта (https://ibooks.ru/support).

Увага! Навуковая бібліятэка аказвае паслугу па праверцы тэкставых дакументаў на наяўнасць запазычанняў у сістэме “Антыплагіят” (для супрацоўнікаў і навучэнцаў універсітэта).

Паслуга платная. Кошт адной праверкі дакумента – 10 бел. рубл.

Даведка аб праверцы выдаецца па прынцыпе “як ёсць”.

За паслугай звяртацца ў аддзел бібліятэчных інфармацыйных тэхналогій (вул. Ажэшкі, 22, каб. 116а, тэл.: 39-65-73, e-mail: misiukevich_sm@grsu.by).

Навуковая бібліятэка ГрДУ імя Янкі Купалы стане літаратурнай пляцоўкай падчас святочнага тыдня Дня Нараджэння ўніверсітэта.

Калектыў Навуковай бібліятэкі запрашае ўсіх жадаючых далучыцца да «Паэтычнага вернісажу», прысвечанага юбілею ўніверсітэта. Гасцей пляцоўкі чакаюць: чытанне аўтарскіх вершаў пра ГрДУ і студэнцтва, музыкальныя нумары і гутаркі пра лёс Купалаўца ў кругавароце падзей. У фае чытальнай залы ўдзельнікі мерапрыемства таксама пазнаёмяцца з выставай цікавых артыкулаў перыядычных выданняў пра ўніверсітэт, якія адлюстроўваюць гісторыю Альма матэр.

Шчыра запрашаем далучыцца да нашага «Паэтычнага вернісажу» 24 лютага ў 12 гадзін, у чытальнай зале Навуковай бібліятэкі галоўнага корпуса (вул. Ажэшкі, 22, аўд. 116).

Да 31 снежня прадастаўлены тэставы доступ да рэсурсаў навуковай выдавецкай кампаніі Global Science Press (GSP), якая робіць упор на самыя сучасныя даследаванні ў галіне матэматыкі, хіміі, фізікі і вылічальных навук.

Рэсурс уключае працы больш за 7500 аўтараў са 100+ краін. Большасць часопісаў знаходзіцца ў Q1 і Q2 Scimago Journal Rank.

Доступ ажыццяўляецца ў лакальнай сетцы ўніверсітэта.

Уваход па спасылцы https://global-sci.com/journal

Access Engineering – інтэрактыўны адукацыйны рэсурс у галіне інжынерыі, створаны для студэнтаў і выкладчыкаў. Рэсурс ўключае ў сябе шырокі спектр матэрыялаў па біямедыцыне, хіміі, будаўніцтву, інфарматыцы, энергетыцы, аэракасманаўтыцы і інш. У рэсурсе прадстаўлены інструменты, неабходныя для навучання і практычнага прымянення ў рэальных сітуацыях, а таксама для падрыхтоўкі да іспытаў і сертыфікацыі.

Спасылка на сайт Access Engineering – https://www.accessengineeringlibrary.com/

Доступ дзейнічае ў лакальнай сетцы ўніверсітэта да 18 снежня 2024 года.

У навуковай бібліятэцы Купалаўскага ўніверсітэта (вул. Ажэшкі, 22, каб. 116 – чытальная зала) прадстаўлена выстава, прысвечаная 85-годдзю кандыдата педагагічных навук, дацэнта Ганны Серафімаўны Сідарчук. На экспазіцыі вы можаце ўбачыць экспанаты рукадзельнай творчасці, якія ствараліся Ганнай Серафімаўнай на працягу ўсяго жыцця.

Запрашаем усіх атрымаць асалоду ад прыгажосці і вытанчанасці кожнага шэдэўра, які адлюстроўвае не толькі майстэрства, але і ўнутраны свет аўтар. Выстава будзе дзейнічаць да 15 лістапада.