14 лютага ў 11.00 у чытальнай зале навуковай бібліятэкі (вул. Ажэшкі , 22, аўд. 116) адбудзецца выстава-сустрэча «О чем говорят автографы… : Книги из личной библиотеки профессора В.Н. Черепицы».
Запрашаем усіх жадаючых!
ТАА Кампанія «Ай Пі Ар Медыя» прапануе на бязвыплатнай аснове правесці тэставанне магчымасцяў унікальнай спецыялізаванай Платформы «Русский как иностранный».
Унікальная спецыялізаваная калекцыя выданняў уключае падручнікі і навучальныя дапаможнікі профільных выдавецтваў.
На платформе рэалізавана магчымасць працы з інтэрактыўнымі формамі кантэнту (онлайн-курсы, відэа – і аўдыё-кантэнт), а таксама адкрыты рэпазіторый.
Для працы з платформай неабходна атрымаць лагін і пароль у аддзеле бібліятэчных інфармацыйных тэхналогій (Ажэшкі, 22-116а) альбо падаць заяўку праз электронную форму па спасылцы >>.
Тэставы доступ дзейнічае да 29 лютага 2020 года.
ГрДУ імя Янкі Купалы працягнута падпіска на навукаментрычную базу дадзеных Scopus.
Доступ дзейнічае да 31 снежня 2020 года.
Увага!
Нагадваем аб зменах у патрабаваннях да дакументаў для размяшчэння ў рэпазіторыі «Труды ученых ГрГУ. Полный текст».
З правіламі можна азнаёміцца па спасылцы >>
З пытаннямі можна звяртацца ў аддзел бібліятэчных інфармацыйных тэхналогій (Ажэшкі, 22, каб. 116 а, тэл. 74-43-78).
У межах работы віртуальнай чытальнай залы Нацыянальнай бібліятэкі Беларусі для карыстальнікаў навуковай бібліятэкі ГрДУ ім. Я. Купалы прадастаўлены тэставы доступ да электронных інфармацыйных рэсурсаў выдавецтва Duke University Press.
Duke University Press – амерыканскае навуковае выдавецтва, якое выпускае выданні па гуманітарных і грамадскіх навуках. Выдавецтва актыўна публікуе міждысцыплінарныя даследаванні і падтрымлівае ідэі наватараў.
Даступны наступныя калекцыі:
Мова дакументаў – англійская.
Тэставы доступ прадастаўлены да 25 студзеня 2020 года.
Рэсурсы даступныя па спасылках: https://read.dukeupress.edu/
Znanium.com – гэта электронна-бібліятэчная сістэма (ЭБС), у якой сфарміраваны калекцыі электронных версій кніг, часопісаў, артыкулаў і іншых дакументаў, згрупаваных па тэматычных і мэтавых прыкметах.
У цяперашні час ЭБС Znanium.com з’яўляецца інфармацыйным парталам і ўключае падручнікі, навучальныя дапаможнікі, манаграфіі, артыкулы, дысертацыі і аўтарэфераты, зборнікі навуковых прац, энцыклапедыі, даведнікі, заканадаўча-нарматыўныя дакументы, навуковую перыёдыку, даступныя ў адзінай віртуальнай прасторы.
У ЭБС змяшчаецца больш за 50 000 дакументаў па розных тэматычных напрамках. Асновай фонду ЭБС Znanium.com з’яўляецца літаратура Групы кампаній «Інфра-М», якая на працягу 27 гадоў займаецца паспяховай выдавецкай дзейнасцю.
Тысячы кніг у электроннай форме эксклюзіўна прадстаўлены толькі на платформе ЭБС Znanium.com, што дае магчымасць гаварыць аб высокай якасці і ўнікальнасці ўсяго праекта.
У ЭБС Znanium.com даступна адаптыўная версія сайта для людзей з праблемамі зроку.
Каб атрымаць поўны доступ да сайта ЭБС неабходна спачатку зарэгістравацца на сайце https://new.znanium.com/ з камп’ютара, далучанага да лакальнай сеткі ўніверсітэта. З гэтым лагінам і паролем вы атрымліваеце права карыстацца кантэнтам ЭБС Znanium.com па-за межамі ўніверсітэта.
Wiley – адно з найбуйнейшых і аўтарытэтных міжнародных выдавецтваў, якое выпускае акадэмічныя выданні і навуковую рэцэнзаваную перыёдыку па гуманітарных, грамадскіх, дакладных навуках і медыцыне.
Для аўтараў з Беларусі выдавецтва прадастаўляе магчымасць публікацыі навуковых артыкулаў у часопісах Wiley Open Access без платы за разгляд і падрыхтоўку артыкула да публікацыі (APC, Article Processing Charges). Звярніце ўвагу, што сярэдні кошт APC складае 1724 еўра.
Усе артыкулы, апублікаваныя ў часопісах Wiley Open Access, адразу ж даступныя для свабоднага чытання, запампоўкі і распаўсюджання, што спрыяе эфектыўнаму прасоўванню вынікаў навуковых даследаванняў.
Пералік часопісаў адкрытага доступу Wiley (ёсць сартаванне па прадметнай вобласці).
Інфармацыя па падачы артыкулаў у часопісы адкрытага доступу выдавецтва Wiley.
Просьба падаць заяўкі на друкаваныя СМІ ў наступныя тэрміны:
– на замежныя друкаваныя СМІ да 15.11.2019 г.
– на СМІ Рэспублікі Беларусь да 29.11.2019 г.
Для аператыўнай працы раім скарыстацца электроннай формай замовы (Ф30.9-007) >>
Па пытаннях падпіскі на друкаваныя сродкі масавай інфармацыі звяртацца ў сектар перыядычных, даведачных выданняў і дысертацыйнага фонду навуковай бібліятэкі (вул. Ажэшкі, 22, каб. № 116).
Токарава Святлана Барысаўна – кантактная асоба
Тэлефон: 73-19-80
e-mail: s.tokareva@grsu.by
Электроннае перыядычнае выданне «Harvard Business Review Расія» – штомесячны навукова-папулярны часопіс, прысвечаны розным пытанням кіравання бізнесам. Лічыцца адным з самых аўтарытэтных выданняў па менеджменце ў свеце. Пастаянныя аўтары часопіса – бізнес-гуру з сусветным імем: Ф. Котлер, М. Портэр, К. Крыстэнсэн, Г. Мінцберг і іншыя. «Harvard Business Review Расія» служыць крыніцай ідэй і рашэнняў для лідэраў бізнесу.
Змест часопіса: перадавыя ідэі, эфектыўныя тэхналогіі кіравання, інавацыі, аналіз канкрэтных бізнес-сітуацый, праблемы лідэрства, матывацыі, пытанні карпаратыўнай стратэгіі.
Падпіска ўключае ў сябе поўны архіў матэрыялаў рускамоўнага Harvard Business Review за папярэднія гады.
ДОСТУП да часопіса па спасылцы >> https://hbr-russia.ru/archive даступны з любой кропкі выхаду ў інтэрнэт праз Лагін і Пароль, які вы можаце атрымаць у чытальных залах навуковай бібліятэкі.
