На базе навуковай бібліятэкі ГрДУ імя Янкі Купалы пачынае сваю працу Цэнтр падтрымкі тэхналогій і інавацый (ЦПТІ)

З мэтай павышэння эфектыўнасці распаўсюджвання ведаў па пытаннях прававой аховы вынікаў інтэлектуальнай дзейнасці і правядзення патэнтных даследаванняў, на падставе пагаднення аб стварэнні Цэнтра падтрымкі тэхналогій і інавацый у Рэспубліцы Беларусь, заключанага паміж універсітэтам і дзяржаўнай установай «Нацыянальны цэнтр інтэлектуальнай уласнасці» з 15.03.2023 на базе навуковай бібліятэкі ГрДУ імя Янкі Купалы пачынае сваю працу Цэнтр падтрымкі тэхналогій і інавацый (ЦПТІ).

У рамках ЦПТІ забяспечваецца выкананне наступных паслуг:

1. Доступ да патэнтных і непатэнтных баз дадзеных САІУ, НЦІУ і іншых бясплатных інфармацыйных рэсурсаў у сферы інтэлектуальнай уласнасці.
2. Аказанне дапамогі пры правядзенні патэнтных пошукаў на падставе баз дадзеных.
3. Навучанне навыкам правядзення пошуку ў патэнтных і непатентных базах дадзеных.
4. Прадастаўленне агульнай інфармацыі па заканадаўстве ў сферы інтэлектуальнай уласнасці.
5. Магчымасць атрымання кансультацый спецыялістаў па інтэлектуальнай уласнасці.

Функцыянуе цэнтр па адрасе: г. Гродна, вул. Ажэшкі, 22, каб. 116а, тэл.: 39-65-73.

Адказная асоба – Снацкая Надзея Аляксандраўна.