Author - Светлана Мисюкевич

Прапануем пазнаёміцца з фундаментальнай працай «ФРАЗЕАЛАГІЧНЫ СЛОЎНІК ГАВОРАК ГРОДЗЕНШЧЫНЫ»
Аўтар: ДАНІЛОВІЧ Мікалай Аляксандравіч, доктар філалагічных навук, прафесар

• Слоўнік змяшчае каля васьмі тысяч фразеалагізмаў беларускай дыялектнай мовы, запісаных у другой палове ХХ – пачатку ХХІ стагоддзя ў розных раёнах Гродзенскай вобласці, а таксама ў памежных раёнах Брэсцкай, Мінскай, Віцебскай абласцей.
• Тып слоўніка – тлумачальны, недыферэнцыйны, зводны.
• Даецца семантычная, граматычная, стылістычная, а часам і этымалагічная характарыстыка фразеалагізмаў.
• Змешчаны багаты ілюстрацыйны матэрыял з жывога народнага маўлення.
• Слоўнік пабудаваны паводле новых, упершыню распрацаваных аўтарам прынцыпаў складання, што робіць выданне не толькі цікавым для чытання, але і зручным для карыстання даведнікам, у якім фразеалагізм можна адшукаць хутка, у адным вызначаным месцы без адсылак.
• Адрасаваны навукоўцам-філолагам, настаўнікам, гісторыкам, этнографам, пісьменнікам, журналістам, усім, каму дорага беларускае слова.

Пазнаёміцца са слоўнікам можна ў навуковай бібліятэцы ГрДУ імя Янкі Купалы па адрасе вул. Ажэшкі 22, аўд. 116 (Філіял 2)

Да 80-годдзя Гродзенскага дзяржаўнага ўніверсітэта імя Янкі Купалы створаны бібліяграфічны паказальнік аб Купалаўскім універсітэце, дзе вы знойдзеце інфармацыю пра шлях станаўлення педагагічнага інстытута, пра адкрыццё ўніверсітэта і яго развіццё да сённяшняга дня. У кнізе сабраны матэрыялы пра адданых сваёй справе людзей, якія фарміравалі канцэпцыю развіцця ўніверсітэта – рэктараў навучальнай установы, выкладчыкаў, чые лёсы цесна пераплецены з лёсам універсітэта, пра выпускнікоў, якія праславілі родную альма-матар.

Шаноўныя чытачы! Запрашаем вас азнаёміцца з нашай слаўнай гісторыяй, з унікальнымі асобамі шматтысячнай Купалаўскай сям’і!

Кнігу вы можаце знайсці ў чытальнай зале навуковай бібліятэкі (вул. Э. Ажэшкі, 22).

Шаноўныя педагогі!

З сардэчнай цеплынёй і душэўным хваляваннем віншуем вас з прафесійным святам –  

Днём настаўніка!

 
На роспач не маеш права,
Хаваеш слабасць і стому. 
Твая нялёгкая справа 
Жыццё адкрываць другому. 
Любові навучыць адданай 
Да роднай пявучай мовы, 
Што з песні жытоў саткана, 
Са звону гусляў вясновых. 
Любові да роднага краю, 
Да песень і казак матулі, 
Сівых курганоў ля гаю, 
Дзе мудрыя продкі паснулі. 
У працы не маеш права: 
На роспач, 
на слабасць, 
На стому. 
Твая пачэсная справа –  
Жыццё адкрываць другому. 
                           Алена Руцкая

Запрашаем прыняць удзел у Рэспубліканскім анлайн-семінары «Сістэма “Антиплагиат” як інструмент павышэння якасці навуковых і навучальных работ у Рэспубліцы Беларусь».

Удзельнікі анлайн-семінара абмяркуюць праблему неправамерных запазычанняў у навуковых і навучальных работах і магчымыя шляхі яе рашэння ў Рэспубліцы Беларусь, падзеляцца вопытам выкарыстання сістэмы «Антиплагиат» у сваіх арганізацыях.

Спецыялісты кампаніі «Антиплагиат» раскажуць аб новым функцыянале сістэмы «Антиплагиат» і перспектывы яе развіцця, адкажуць на пытанні ўдзельнікаў.

Умовы ўдзелу: бясплатна, неабходная папярэдняя рэгістрацыя>>>

Фармат правядзення: анлайн, на платформе webinar.ru. Дапамога ўдзельніку>> >

Усе ўдзельнікі анлайн-семінара, якія прысутнічалі на анлайн-семінары ад пачатку да канца, атрымаюць электронныя імянныя сертыфікаты.

Арганізатары:

Кампанія «Антиплагиат», Расія, г. Масква, https://www.antiplagiat.ru/

ТАА «Трэгросс-Бук», Рэспубліка Беларусь, г. Мінск http://www.tregross.com/

Па пытаннях удзелу ў онлайн-семінары, калі ласка, звяртайцеся:

metodolog@antilagiat.ru

Пачаўся навучальны год і кампанія Clarivate працягвае правядзенне бясплатных вэбінараў, якія будуць карыснымі студэнтам, аспірантам, навуковым супрацоўнікам. Традыцыйна прапаноўваецца тры серыі па магчамасцях пошуку і аналізу навуковай літаратуры ў Web of Science, пошуку найбольш значных выданняў для публікацыі асабістых вынікаў JCR, выкарыстанню Reference Manager EndNote для карэктнага афармлення спіса літаратуры курсавых, дысертацый, артыкулаў, прэзентацый дасягненняў вучонага EndNote, асноў акадэмічнага пісьма. За ўдзел у кожным вэбінары прадуглдежаны сертыфікат удзельніка, такім чынам, вэбінары можна ўключаць у вучэбны працэс.

Графік вэбінараў даступны па спасылцы https://clarivate.ru/webinars. 

Вэбінары пройдуць з 15 па 30 верасня з выкарыстаннем платформы Webex. Неабходна папярэдняя рэгістрацыя.

Таксама 18 верасня 11:00-13:00 запланаваны ўнікальны вэбінар «Оценка научных публикаций: современные инструменты и их корректное применение», які правядуць два лектары.

Тэма 1: «Ответственная наукометрия: данные и показатели».

Лектар: Валянцін Богараў, кіраўнік аддзела адукацыйных праграм, Clarivate.

Анонс: Дадзеныя аб публікацыйнай актыўнасці шырока выкарыстоўваюцца для ацэнкі навуковай прадукцыйнасці ў розных краінах свту, на іх аснове ствараюцца розныя навукаметрычныя паказчыкі. Спачатку будзе коратка разгледжана гісторыя стварэння сучасных навукаметрычных паказчыкаў. Аснова якаснага навукаметрычнага аналізу – якасныя дадзеныя. Праблемы, звязаныя з дадзенымі аб публікацыйнай актыўнасці. Ключавыя навукаметрычныя паказчыкі, іх магчымасці і абмежаванні.

Тэма 2: «Система «Антиплагиат»: корректное использование редакторами и авторами современных инструментов обнаружения заимствования».

Лектар: Юрый Чэховіч, выканаўчы дырэктар кампаніі Антыплагіят, к.ф.-м.н.

Анонс: Сучасныя інфармацыйныя тэхналогіі зрабілі даступнымі велізарныя масівы інфармацыі, у тым ліку, вялікаю колькасць навуковых публікацый сучаснаму аўтару.  Без вывучэння гэтых публікацый правядзенне навуковых даследаванняў высокай якасці часта аказваецца немагчымым. Як аўтару выкарыстоўваць тэксты публікацый другіх аўтараў і не аказацца абвінавачаным у плагіяце? Ці можа аўтар выкарыстоўваць тэксты сваіх папярэдніх работ? Як прымаць рашэнне рэдактару пры праверцы работ на наяўнасць запазычанняў? Як не дапусціць публікацыі работ з парушэннямі навуковай этыкі і не спудзіць, пры гэтым, добрасумленных аўтараў? Выступленне будзе прысвечана гэтым і многім іншым пытанням.

Рэгістрацыя https://bit.ly/3l4fodB. Неабходна запоўніць анкету, націснуўшы Register

Адукацыйная платформа urait.ru прапануе студэнтам прайсці бясплатны анлайн-курс «Сучасны студэнт».
Што гэта такое?
Падборка простых рэкамендацый і лайфхакі аб тайм-менеджменце, працы з навучальнымі матэрыяламі, падрыхтоўцы да сесіі і многае іншае. Увогуле ўсё, што дапаможа зрабіць жыццё студэнта прасцей.
Навошта гэта?
Курс навучыць правільна выкарыстоўваць метадычныя матэрыялы пры падрыхтоўцы да залікаў, курсавых, сесіі і ў цэлым у вучобе.

Паважаныя студэнты і выкладчыкі, прыміце шчырыя віншаванні з Днём ведаў і пачаткам новага навучальнага года!

Асаблівыя віншаванні нашым першакурснікам, якія ўступаюць у вялікую ўніверсітэцкую сям’ю. Для вас універсітэт стане пачаткам новага этапу ў жыцці. Тут вы пазнаеце смак поспеху, набудзеце верных сяброў, навучыцеся мысліць і марыць. А вам, паважаныя педагогі,  – цярпення і ўзаемаразумення са студэнтамі, поспехаў у рабоце, аптымізму, творчасці, асабістага дабрабыту.

Шчыра жадаем ажыццяўлення задум, творчых поспехаў, цікавых заняткаў, карысных спраў і духоўна багатага жыцця.

(Калектыў навуковай бібліятэкі ГрДУ імя Я. Купалы)

Паважаныя студэнты, з графікам выдачы літаратуры на 2020/2021 навучальны год вы можаце азнаёміцца па спасылцы >>