Author - Светлана Мисюкевич

З 22 красавіка па 21 мая 2021 года карыстальнікам навуковай бібліятэкі ГрДУ імя Янкі Купалы прадастаўлены тэставы доступ да выдавецкіх калекцый ЭБС «Лань» https://e.lanbook.com/.

Чытачы могуць зарэгістравацца з любога камп’ютара або мабільнай прылады, падлучанай да сеткі Інтэрнэт па спасылцы https://e.lanbook.com/auth/signup.
Пасля рэгістрацыі вам будуць даступныя электронныя версіі кніг выдавецтва «Лань» і іншых вядучых выдавецтваў вучэбнай і навуковай літаратуры па наступных накірунках: матэматыка, фізіка, інжынерна-тэхнічныя навукі, хімія, ветэрынарыя, заатэхнія, сельская і лясная гаспадарка і інш. У ЭБС прадстаўлены таксама электронныя версіі перыядычных выданняў па прыродазнаўчых, тэхнічных і гуманітарных навуках.

Відэаінструкцыі па працы з сайтам і дакументамі ў ЭБС «Лань» https://www.youtube.com/playlist?list=PL5FGE6wLTaHEWf_fpKJ3-9hVcn_yWK8Kr.

Міжнародны кансорцыум бібліятэк EIFL – партнёр Савета бібліятэк Беларусі па інфармацыйным узаемадзеянні – заключыў пагадненні з вядучымі міжнароднымі выдавецтвамі па адмене або зніжэнні аплаты за апрацоўку артыкулаў APC (APC-англ. article processing charges) для аўтараў з Беларусі пры публікацыі артыкулаў у рэжыме адкрытага доступу ў аўтарытэтных навуковых часопісах, такіх як Reviews in the Neurosciences, Epidemiology & Infection, Computer Assisted Surgery, Nanocomposites і інш.
Тут прадстаўлены поўны спіс часопісаў (больш за 1200 выданняў), для якіх дзейнічаюць умовы гэтых пагадненняў.
Абнаўленне спісу плануецца два разы на год.

Пры ўзнікненні пытанняў вы можаце звяртацца да нацыянальнага каардынатара EIFL у Рэспубліцы Беларусь Брычкоўскага Вячаслава Іванавіча па электроннай пошце v_britch@nlb.by (пераважна) або па тэлефоне (+375 17) 293 25 09.

Запіс вебінару Нацыянальнай бібліятэкі Беларусі па пытаннях адкрытага доступу і публікацыі ў выданнях са зніжкай аплаты за апрацоўку артыкулаў APC https://www.youtube.com/watch?v=WrgdiQN08Bc.

20 красавіка 2021 г. у 14.00 у Нацыянальнай бібліятэцы Беларусі пройдзе анлайн-семінар «Інфармацыйнае абслугоўванне ў электронным асяроддзі: выкарыстанне пошукавых магчымасцей вядучых сусветных прадметных паказальнікаў на платформе EBSCOhost».

На семінары будуць разгледжаны алгарытмы выкарыстання і пошукавыя асаблівасці вядучых сусветных прадметных паказальнікаў EconLit, GeoRef, Medline, MathSciNet, PsycInfo і інш. Будуць абмеркаваны перспектывы развіцця і ўдасканалення рэфератыўных баз дадзеных.

Запрошаны эксперт семінара – дырэктар па развіцці EBSCO у краінах СНД Андрэй Сакалоў.

Арганізатары:

Нацыянальная бібліятэка Беларусі,

Кампанія EBSCO Information Services.

Семінар пройдзе на электроннай платформе Zoom. Для ўдзелу неабходна прайсці анлайн-рэгістрацыю https://conference.nlb.by/ebsco-2021/visitors/registration/.

Спасылка для далучэння да семінара будзе выслана ўсім зарэгістраваным удзельнікам за дзень да мерапрыемства.

Каардынатары:

Рудакоўская Марына Віктараўна,

загадчык аддзела карпаратыўнага ўзаемадзеяння

Нацыянальнай бібліятэкі Беларусі,

тэлефон: (8 017) 293 28 90,

e-mail: rudakovskaya@nlb.by

Дамоўская Марыя Васільеўна,

загадчык сектара аддзела карпаратыўнага ўзаемадзеяння

Нацыянальнай бібліятэкі Беларусі,

тэлефон: (8 017) 293 29 26,

e-mail: virtual@nlb.by

Аб’яўляем конкурс!

Навуковая бібліятэка запрашае студэнтаў, курсантаў, магістрантаў ГрДУ імя Янкі Купалы, а таксама навучэнцаў каледжаў прыняць удзел у конкурсе эсэ «Нябесная заступніца Беларусі» (да Дня памяці прэпадобнай Ефрасінні Полацкай).

Умовы ўдзелу:

1) самастойна напісаць эсэ на тэму «Нябесная заступніца Беларусі» (колькасць старонак неабмежаваная; тэкст эсэ на вашай роднай мове);

2) даслаць заяўку (прозвішча, імя, імя па бацьку, факультэт, курс навучання) і матэрыялы эсэ ў электронным і папяровым выглядзе на адрас: 230023, г.Гродна, вул. Ажэшкі, 22, каб. 116а; e-mail: library@grsu.by

Заяўка і матэрыялы дасылаюцца да 15 мая ўключна.

Вынікі конкурсу будуць падведзены 25 мая.

Творчых поспехаў! Чакаем вашы работы!

Памятку па напісанні эсэ можна спампаваць па спасылцы >>.

Палажэнне аб конкурсе эсэ «Нябесная заступніца Беларусі» (спампаваць).

ДУК “Гродзенская абласная навуковая бібліятэка імя Я.Ф. Карскага” запрашае прыняць удзел у абласным конкурсе буктрэйлераў «#Читай!Советуй!Продвигай!».
Галоўная мэта конкурсу – папулярызацыя кнігі і чытання сярод маладога пакалення.
З інструкцыяй аб парадку арганізацыі і правядзення абласнога конкурсу можна азнаёміцца па спасылцы > >
Заяўкі на ўдзел і гатовыя ролікі прымаюцца да 10 мая 2021 года па электроннай пошце: marketing@grodnolib.by (з пазнакай «на конкурс») або па адрасе: 230023, г. Гродна, вул. Карбышава, 17, ДУК «Гродзенская абласная навуковая бібліятэка імя Я.Ф. Карскага» (для сектара маркетынгу і сувязяў з грамадскасцю).
Даведкі па тэлефоне: 71-89-41.

На базе навуковай бібліятэкі пачаліся заняткі ў межах адукацыйнага семінара «Навуковыя камунікацыі ў прафесійнай дзейнасці: электронныя сэрвісы і бібліятэчныя інфармацыйныя тэхналогіі». Удзельнікамі заняткаў сталі члены прафесарска-выкладчыцкага складу ўніверсітэта. Першыя заняткі былі прысвечаны навукаметрычным базам дадзеных і працы з аўтарскімі профілямі ў Google Акадэміі і РІНЦ. Наступныя заняткі пройдуць у анлайн-рэжыме. Па заканчэнні семінара ўдзельнікам усіх заняткаў будуць выдадзены сертыфікаты.

Паважаныя калегі,

Каманда Elsevier S & T у Расіі пачынае серыю вэбінараў для навуковых супрацоўнікаў, аспірантаў, выкладчыкаў, супрацоўнікаў бібліятэк і навуковых аддзелаў.

Па выніках навучання выдаецца сертыфікат з указаннем колькасці гадзін навучання (поўны цыкл -18 гадзін (базавы ўзровень+профільны)).

Вы можаце азнаёміцца з поўным спісам вэбінараў на сайце Elsevier S & T у Расіі. Расклад вэбінараў на сакавік прыведзены ў файле >>.

Паважаныя калегі!

На падставе рашэння савета па інтэрнацыяналізацыі ад 01.03.2021 г. (пратакол №2) рэгістрацыя на адукацыйныя семінары для выкладчыкаў і навуковых супрацоўнікаў ГрДу імя Янкі Купалы з выдачай сертыфікатаў працягнута да 15 сакавіка 2021 г. Заняткі будуць праводзіцца па 4 акадэмічных гадзіны (2 пары) у наступныя дні: 22.03.2021, 29.03.2021, 05.04.2021.

Запрашаем прайсці рэгістрацыю па спасылцы https://docs.google.com/forms/d/e/1FAIpQLScgjuyl7eXbprOY2xBlpr8N9ytakHIxDfDfLhSmZWVT9nbfrw/viewform

Усім, хто зарэгіструецца, будзе зроблена дадатковая рассылка з указаннем аўдыторыі, даты і часу правядзення заняткаў.

План семінараў

Пры неабходнасці ўсе, хто жадае, могуць атрымаць індывідуальную кансультацыю па тэмах семінараў.

Кантактныя асобы:

Грынько Мікалай Уладзіміравіч, дырэктар бібліятэкі, тэл. : 73-19-24.

Місюкевіч Святлана Мечыславаўна, загадчык аддзела бібліятэчных інфармацыйных тэхналогій, тэл. : 74-43-78.