Просьба падаць заяўкі на друкаваныя СМІ да 14.05.2022 г.
Для аператыўнай працы раім скарыстацца электроннай формай замовы (Ф30.9-007)
Па пытаннях падпіскі на друкаваныя сродкі масавай інфармацыі звяртацца ў сектар перыядычных, даведачных выданняў і дысертацыйнага фонду навуковай бібліятэкі (вул. Ажэшкі, 22, каб. № 116).
Васкевіч Вольга Вайцехаўна – кантактная асоба.
Тэлефон: 73-19-80
e-mail: o.vaskevich@grsu.by
4 і 6 мая 2022 года навуковая бібліятэка праводзіць цыкл заняткаў адукацыйнага семінара для навукоўцаў ГрДу імя Янкі Купалы «Навуковыя камунікацыі ў прафесійнай дзейнасці: электронныя сэрвісы і бібліятэчныя інфармацыйныя тэхналогіі. Модуль 2». Семінар накіраваны на ўдасканаленне навуковай камунікацыі па сродках электронных сэрвісаў і бібліятэчных інфармацыйных рэсурсаў, а таксама на павышэнне публікацыйнай актыўнасці і рэйтынгу, як навукоўцаў, так і ўніверсітэта.
У праграме семінара будуць разгледжаны наступныя пытанні: складанне бібліяграфічнага апісання дакументаў, бібліяграфічныя індэксы і ідэнтыфікатары, навукаметрычныя і паўнатэкставыя базах дадзеных, як знайсці вучэбныя і навуковыя выданні з дапамогай інфармацыйных рэсурсаў бібліятэкі. Таксама размова пойдзе аб правілах навуковага цытавання і правамернага запазычання ў навуковых тэкстах.
Па выніках адукацыйнага семінара ўдзельнікі, якія наведалі ўсе заняткі, атрымаюць сертыфікаты. Сертыфікаты будуць улічвацца пры падвядзенні вынікаў рэйтынгу ПВС 2022 г.
Рэгістрацыя ўдзельнікаў ажыццяўляецца з 20.04.2022 па 27.04.2022 г. па спасылцы https://docs.google.com/forms/d/e/1FAIpQLSe-sESQNguyrztqPoddwUAdRp98vw6BZWmTBVyKjVf-XY_YVA/viewform
З 18 красавіка па 17 чэрвеня 2022 г. нашым чытачам адкрыты тэставы доступ да базы дадзеных Academic Reference на платформе CNKI https://ar.cnki.net/. Пасля адкрыцця старонкі сайта, націсніце Login, пасля – IP Login. Доступ дзейнічае толькі ў лакальнай сетцы ўніверсітэта.
Кітайскі Электронны рэсурс Academic Reference з’яўляецца ўніверсальнай англамоўнай платформай, прысвечанай навуковым выданням Кітая і арыентаванай на актуальныя акадэмічныя распрацоўкі ва ўсіх асноўных сферах даследаванняў. Academic Reference змяшчае звыш 13 000 000 бібліяграфічных апісанняў і больш за 1 200 000 поўных тэкстаў часопісных артыкулаў, дысертацый, кніг, штогоднікаў, матэрыялаў канферэнцый і інш.
Відэа інструкцыя па рабоце з платформай (на англійскай мове):
7 красавіка на базе навуковай бібліятэкі прайшла квэст-гульня «Купалаў след у Alma-mater» для студэнтаў Купалаўскага ўніверсітэта.
Удзел у гульні прынялі 11 каманд з розных факультэтаў.
Мерапрыемства прадугледжвала праходжанне пэўных кропак, на кожнай з якіх каманда выконвала пэўныя заданні, а таксама атрымлівала падказку куды рухацца далей. Удзельнікі разгадвалі рэбусы, крыжаванкі, загадкі, збіралі пазлы, рашалі матэматычныя задачкі, займаліся пошукамі схаваных прадметаў…
Заданні сённяшняга квэсту былі тым ці іншым чынам звязаныя з асобаю Янкі Купалы.
Усе ўдзельнікі атрымалі падзякі, памятныя і салодкія падарункі.
Асобным падарункам узнагароджана каманда педагагічнага факультэта за перамогу ў фінальным бліц-апытанні.
А пераможцамі квэсту сталі:
1 месца – каманда факультэта інавацыйных тэхналогій машынабудавання.
2 месца – каманда інжынерна-будаўнічага факультэта.
3 месца – каманда факультэта гісторыі, камунікацыі і турызму.
Віншуем пераможцаў!
P.S. Больш фота ў сацыяльных сетках
Паважаныя чытачы, з 06 красавіка па 05 мая 2022 г. Гродзенскаму дзяржаўнаму ўніверсітэту імя Янкі Купалы прадастаўлены тэставы доступ да электронна-бібліятэчнай сістэмы «Национальный цифровой ресурс «РУКОНТ» http://lib.rucont.ru
ЭБС «РУКОНТ» – унікальная міжгаліновая база паўнатэкставых электронных дакументаў. Электронная бібліятэка ўключае ў сябе больш за 400 000 вучэбных і навуковых выданняў па ўсіх напрамках: кнігі па тэхнічных, прыродазнаўчых і гуманітарных навуках, бізнесе, эканоміцы, культуры і мастацтве, юрыспрудэнцыі і non/fiction, мастацкая і пазнавальная літаратура. Прадстаўлены шырокі спектр тэматычных калекцый, а таксама калекцыі кніг вядучых ВНУ і выдавецтваў Расіі.
Тэставы доступ дае магчымасць чытання кніг у паўнатэкставым рэжыме. Ёсць версія для людзей са слабым зрокам.
Аўтарызацыя па лагіну/паролю без абмежавання колькасці карыстальнікаў.
Для атрымання дадзеных для аўтарызацыі звяртайцеся ў бібліятэку.
Таксама свае пытанні вы можаце задаць па электроннай пошце: rucont@ckbib.ru
Запрашаем прыняць удзел у семінары «Эфектыўнае выкарыстанне Scopus у навуковай і адукацыйнай дзейнасці ўніверсітэта», які адбудзецца ў анлайн-фармаце 16 лютага 2022 года ў 10.00. Спікерам выступіць Андрэй Сяргеевіч Міхайлаў, кіраўнік партнёрскіх праграм Elsevier у Расіі і Усходняй Еўропе.
Семінар накіраваны на павышэнне якасці навукова-даследчай дзейнасці прафесарска-выкладчыцкага складу, аспірантаў, магістрантаў і студэнтаў універсітэта.
Спасылка для электроннай рэгістрацыі: https://docs.google.com/forms/d/e/1FAIpQLSf3cBcaL937cbG9BFXg80StJU9VAptpV8b-fypOtoJzOFD3yA/viewform. Рэгістрацыя працягнецца да 14 лютага ўключна.
Спасылка на анлайн-канферэнцыю Zoom будзе выслана напярэдадні ўсім зарэгістраваным удзельнікам.
Па ўсіх пытаннях звяртацца ў навуковую бібліятэку па тэлефоне 73-19-24.
Аддзел бібліятэчных інфармацыйных тэхналогій часова (прыкладна да 10 сакавіка) знаходзіцца ў чытальнай зале бібліятэкі галоўнага корпуса ўніверсітэта па адрасе: вул. Ажэшкі, 22, аўд. 116.
Па ўсіх пытаннях звяртацца па тэл. 73-19-24 (адміністрацыя бібліятэкі), 73-19-80 (аддзел абслугоўвання).
Энцыклапедыя «Хто ёсць Хто ў Рэспубліцы Беларусь» змяшчае інфармацыю пра людзей, якія дабіліся прафесійных і дзелавых поспехаў, якія ўнеслі свой уклад у развіццё розных сфер дзейнасці.
У новы выпуск энцыклапедыі ўвайшла інфармацыя аб Пажарыцкім Міхаіле Багданавічу, бібліятэкары аддзела абслугоўвання навуковай бібліятэкі Гродзенскага дзяржаўнага ўніверсітэта імя Янкі Купалы.
