Навіны

Да 31 снежня 2024 г. прадастаўлены доступ да сэрвісаў ilex.by

Інфармацыйна-пошукавая сістэма ilex – гэта надзейная прававая падтрымка для бухгалтарскіх, юрыдычных, кадравых, эканамічных службаў, спецыялістаў па закупках і ахове працы, сакратароў і іншых карыстальнікаў.

Доступ да ІПС ilex ажыццяўляецца толькі з лакальнай сеткі ГрДУ імя Янкі Купалы па лагіне і паролі, які прадастаўляецца ў камп’ютарных класах і чытальных залах бібліятэкі юрыдычнага факультэта (зав. Даватара, 3/1), факультэта эканомікі і кіравання (Гаспадарчая, 23), а таксама ў чытальнай зале бібліятэкі галоўнага корпуса ўніверсітэта (вул. Ажэшкі, 22, каб. 116, 116а).

Навучэнцам, якія хочуць атрымаць аддалены доступ, неабходна звярнуцца да загадчыка аддзела бібліятэчных інфармацыйных тэхналогій Святланы Місюкевіч  (вул. Ажэшкі, 22, каб. 116а, misiukevich_sm@grsu.by).

У гэтым годзе Летняя школа сабрала 15 удзельнікаў з Расіі, Польшы, Казахстана. Цікавыя заняткі па беларускай мове, літаратуры, культуры правялі супрацоўнікі навуковай бібліятэкі, выкладчыкі філалагічнага факультэта і факультэта гісторыі, камунікацыі і турызму. Акрамя гэтага слухачы Летняй школы пабывалі ў многіх гістарычных месцах Гродна і рэгіёна: наведалі Гродзенскі музей гісторыі рэлігіі, Стары замак, Каложскую царкву, Гудзевіцкі літаратурна-краязнаўчы музей, Свята-Успенскі Жыровіцкі манастыр, царкву абарончага тыпу ў Сынкавічах.

Для ўдзельнікаў школы былі арганізаваны майстар-класы па народных рамёствах і прыгатаванні традыцыйных беларускіх страў. Такія заняткі, дзякуючы паглыбленню ў моўнае асяроддзе, спрыяюць вывучэнню беларускай мовы.

Падрабязней пра Летнюю школу беларускай мовы і культуры вы можаце даведацца на старонках навуковай бібліятэкі ў сацыяльных сетках.

https://www.facebook.com/s.lib.yksug

https://www.instagram.com/grsu_library

https://vk.com/libgrsu

https://ok.ru/s.lib.yksug

З 01.07.2024 г. па 31.08.2024 г. навуковая бібліятэка пераходзіць на летні час працы.

Панядзелак – пятніца: 8.30 – 17.00

Абедзенны перапынак: 12.30 – 13.00

Выхадныя дні: субота – нядзеля.

Чакаем Вас!

Просьба падаць заяўкі на друкаваныя СМІ да 06.05.2024 г.

Для аператыўнай працы раім скарыстацца электроннай формай замовы (Ф30.9-007)

Па пытаннях падпіскі на друкаваныя сродкі масавай інфармацыі звяртацца ў сектар перыядычных, даведачных выданняў і дысертацыйнага фонду навуковай бібліятэкі (вул. Ажэшкі, 22, каб. № 116).

Васкевіч Вольга Вайцехаўна – кантактная асоба.

Тэлефон: 73-19-80

e-mail: o.vaskevich@grsu.by

Навуковая бібліятэка запрашае прыняць удзел у рэгіянальным семінары «Праблема некарэктных запазычанняў у адукацыі і навуцы», які адбудзецца 22 красавіка з 10.00 да 14.00 у аўд. 318 галоўнага корпусу ўніверсітэта (вул. Ажэшкі, 22).

Спікерам выступіць Ірына Барысаўна Стралкова, афіцыйны прадстаўнік кампаніі «Антиплагиат» у Рэспубліцы Беларусь па навучанню.

Падчас працы семінара будзе звернута ўвага на наступныя аспекты:

• сістэма «Антиплагиат» як інструмент ацэнкі арыгінальнасці навуковых прац: новыя магчымасці для вучоных і экспертаў;
• культура навуковага цытавання і выкарыстанне запазычанняў у навуковых тэкстах;
• кіраванне персанальнымі інфармацыйнымі патокамі ва ўмовах лічбавага адукацыйнага асяроддзя: метадычны інструментарый для выкладчыка.

Семінар будзе карысны навуковым супрацоўнікам, выкладчыкам, магістрантам, аспірантам, дактарантам, спашукальнікам, бібліятэчным супрацоўнікам, а таксама адказным за працу з сістэмай «Антиплагиат» ва ўніверсітэце.

Форма правядзення семінара – вочна-завочная.

Квота для ўдзелу ў вочным фармаце для ГрГУ імя Янкі Купалы  – 50 чалавек.

Прадстаўнікам Купалаўскага ўніверсітэта неабходна папярэдне прайсці рэгістрацыю па спасылцы >>

Усе жадаючыя могуць далучыцца да анлайн-трансляцыі на платформе Teams па спасылцы >>

Па ўсіх пытаннях звяртацца да загадчыка аддзелам бібліятэчных інфармацыйных тэхналогій Святлане Місюкевіч, тэл.: 39-65-73, e-mail: misiukevich_sm@grsu.by

28 сакавіка навуковая бібліятэка правяла адукацыйны семінар для вучоных ГрДУ імя Янкі Купалы «Научные коммуникации в профессиональной деятельности: электронные сервисы и библиотечные информационные технологии. Модуль 5», які прысвечаны пытанням падрыхтоўкі і абароны дысертацыі, а таксама інфармацыйным магчымасцям бібліятэкі Купалаўскага ўніверсітэта для суправаджэння (забеспячэння) навуковага працэсу ўніверсітэта.

Спікерамі выступілі: Ігар Мартыненка, загадчык кафедры грамадзянскага права і працэсу, доктар юрыдычных навук, прафесар; Уладзімір Барсукоў, прафесар кафедры машыназнаўства і тэхнічнай эксплуатацыі аўтамабіляў, доктар тэхнічных навук, дацэнт; Будэніс Вольга, намеснік дэкана па выхаваўчай працы філалагічнага факультэта, кандыдат філасофскіх навук; Святлана Місюкевіч, загадчык аддзела бібліятэчных інфармацыйных тэхналогій навуковай бібліятэкі.

 Ігар Эдуардавіч, якія з’яўляецца членам прэзідыума ВАК РБ, прысвяціў свой даклад паўнамоцтвам Вышэйшай атэстацыйнай камісіі Рэспублікі Беларусь у галіне атэстацыі навуковых работнікаў (ацэнка дысертацый, публікацый па тэме, укараненняў).

Уладзімір Георгіевіч звярнуў увагу на асаблівасці падрыхтоўкі і абароны дысертацый па тэхнічных навуках, а таксама падзяліўся вопытам работы ў экспертным савеце ВАК і ў саветах па абароне дысертацый.

Вольга Генрыхаўна, чыё даследаванне прызнана лепшай кандыдацкай дысертацыяй па гуманітарных навуках у 2023 годзе, расказала аб некаторых асаблівасцях даследаванняў у гэтай галіне.

Святлана Мечыславаўна прадэманстравала магчымасці навуковай бібліятэкі па суправаджэнні навуковай дзейнасці ва ўніверсітэце.

28 сакавіка 2024 года адбудуцца чарговыя заняткі семінара «Навуковыя камунікацыі ў прафесійнай дзейнасці: электронныя сэрвісы і бібліятэчныя інфармацыйныя тэхналогіі. Модуль 5. Падрыхтоўка і абарона дысертацыі: метадычныя і практычныя аспекты»

У праграме семінара будуць разгледжаны арганізацыйныя і метадычныя аспекты прадстаўлення і абароны дысертацыі. Таксама размова пойдзе аб інфармацыйных магчымасцях бібліятэкі ГрДУ імя Янкі Купалы для суправаджэння (забеспячэння) навуковага працэсу ўніверсітэта.

Семінар пройдзе ў анлайн-фармаце на платформе Teams.

Па выніках адукацыйнага семінара ўдзельнікі, якія наведалі заняткі, атрымаюць сертыфікаты, якія будуць улічвацца пры падвядзенні вынікаў рэйтынгу ПВС 2024 г.

Рэгістрацыя ўдзельнікаў ажыццяўляецца з 18.03.2024 па 26.03.2024 г. (да 12.00) па спасылцы

https://docs.google.com/forms/d/e/1FAIpQLSf3-cxN55YmnjJzETOPPtsEVhQgbQfFjs8pO1f_UIFsihE7mw/viewform

Спасылка на падключэнне да Teams будзе высланая ўсім зарэгістраваным удзельнікам НАПЯРЭДАДНІ семінара.

План заняткаў семінара